Binakako Txapelketari hasiera emateko atarian, Aspe enpresak egun lanpetuak bizi izan ditu bere hainbat pilotariri kontratua berritzen. Horien artean dago Arkaitz Gabirondo atzelari gazteluarra: bi urtez luzatuko du bere hitzarmena, eta 2028ko azaroaren 30a arte egongo da lotuta enpresarekin.
Gabirondorekin batera beste hainbat pilotarik luzatu dute hitzarmena: Elordi, Bikuña, Egiguren, Erostarbe, Aldabe eta Salaberria. Binakako Serie B Txapelketa jokatuko du Gabirondok, eta Murua izango da bere aurrelaria.