Eguraldia alde izan dute goizean Gaztelun eta postu ugarik hartu dute, beste behin, herriko plaza. Bertako jaki eta produktuak erosteko aukera izateaz gain, aurten artisauen produktuak erosteko aukera ere izan da azoka. Zeramika, bitxiak, jantziak, jostailuak eta egur lanak izan dira aukeran, besteak beste.
Larunbatean ere ekintza ugariz gozatzeko aukera izan zuten herritarrek. Besteak beste, babarrun txapelketarekin abiatu zuten eguna eta Kontxi Lasa ekoizleak eta Edurne Gartzia sukaldariak osatutako bikoteak eraman zuten saria. Tartean, parke eolikoak eta ingurugiroaren inguruko hitzaldiaz gozatzeko aukera izan zuten ludotekan, Atziber Sarobe biologoaren eskutik. Ostatuan egin zuten bertso afariarekin amaitu zuten eguna, Alaia Martin eta Amaia Agirre bertsolariekin batera.
Argazkiak: Gazteluko Udala.