Hiru egunetan zehar festa betean murgilduko dira Gaztelun. Abuztuaren 13an, plazan egingo den barrikotearekin ekingo diete jaiei, eta ondoren, Euskaldunen jatorria, historia eta irria izeneko bakarrizketa egingo dute iluntzean, 21:00etan.
Bigarren eguna umeen eguna izango da. Tartean, eguerdian, txupinazoa botako dute, eta urtero moduan, herriko norbait omentzeko aprobetxatuko dute aurten ere. Gauean, herri afaria egingo da ostatuan.
Azken egunean, abuztuaren 15ean, herriko txistulariek jotako dianarekin ekingo diote egunari. Arratsaldean berriz, herritarren arteko herri kirol lehia egingo da, 18:30etatik aurrera.
Abuztuaren 13tik 15era ospatuko dituzte festak gazteluarrek. Pasa den urtean bezala, plazan egingo den barrikotearekin ekingo diete herriko jaiei, eta bigarren egunean umeen egunarekin batera, jaurtiko dute txupinazoa, festetan erabat murgiltzeko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!