Pasa den ostegunean, apirilak 20, Europa mendebaldeko mugimendu feministaren historiari buruzko ikastaroa egin zuten Gazteluko eskolan, formazio eta ikerketa feminista egiten duen Emagin elkartearen eskutik. «Nondik gatozen ezagutu genuen, gaur egungo testuingurua hobeto ezagutzeko», adierazi dute herritarrek.
Gazteluko Udalak Emagin elkartearekin batera antolatutako Feminismoan sakontzen programaren baitan egin zuten osteguneko ikastaroa. Martxoaren 11n izan zen lehen ekitaldia; herriko emakumeen bazkaria egin zuten ostatuan. Apirilaren 1ean, berriz, Indarkeria zahartzaroan ikastaroa egin zuten. Laugarren eta azken saioa larunbat honetan izango da, apirilak 29; Ahizpatasunean sakontzen formazio saioa egingo dute herriko eskolan, 17:00etan hasita.
