Gazteluko Udalak, ahalduntze feministara bidean, egitarau bat antolatu du otsailaren 11ra bitarte, Emagin elkartearen laguntzaz. Asteburuan egin dituzte lehen bi saioak. Batetik, emakume adinekoei bideratutako ahalduntze tailerra egin dute, eta bestetik, autodefentsa feminista tailerra jaso dute.
Hurrengo hitzordua ostiral honetan izango dute: indarkeria matxistaren inguruko tailerra. Otsailaren 4an izango dute bestea, autoestima feministaren ingurukoa, eta azkena, otsailaren 11n izango da, ahizpatasunaren inguruan. Saio guztiak 16:30ean hasiko dira, eta hiru orduko iraupena izango dute. Bertaratzeko izena eman beharko da aurrez 943 205 220 telefonoan.