Andoni Goikoetxeak telefonoz etxera deitzeko aukera izan du gaur. "Lasai eta ondo" nabaritu dutela esan dute etxekoek. Atzo abokatuak gauza bera jakinarazi zien. Espainiako Auzitegi Nazionalean sententzia irakurri zien atzo, eta abokatua ondoan zuela, Auzitegi Gorenean errekurtsoa sartzeko aukera aztertu zuten.
Auzitegi Nazionaletik Soto Del Realgo (Madril) espetxera eraman zuten Goikoetxea, eta bertan aurkitzen da. Asteburuan bisitak jasotzeko aukera izango du.
Gazteluko herritarrek, bi deialdi
Gazteluko herritarrek deituta batzar informatiboa egin zuten atzo, eta Etxerat-ek bat egin du bertan antolatutako deialdiekin: "Azken Ostiraleko elkarretaratzeetan idatziaz aparte, deialdia egingo dugu datorren asteartean, apirilak 30, 20:00etan Gazteluko udaletxean egingo den udal bilkurara azaltzeko, atxiloketa salatzeko. Horrekin batera, datorren ostiralean, maiatzak 3, 19:30ean Gazteluko plazan egingo den eskualdeko elkarretaratzera joateko ere eskatuko dugu".
