Udaberriari ongi etorria emateko festa egin dute gaur, Gaztelun. Eguraldia ez da udaberri betekoa izan, baina bai giroa. Herritar ugari bildu dira elizpean, eta eguna erritmo kubatarrekin amaituko dute.
Goizean hasi dute Udaberri Festa. Aranzadiko Mikel Olanoren laguntzarekin txorien kantuak ezagutzeko aukera izan dute. Arratsaldean bildu dira herritar gehien, dena den. Lehenik Josune Gorostidi herritarrari omenalditxoa egin diote, emakumezkoen kirolean egindako ekarpenengatik eta zehazki, duela gutxi Ibarrako Sokatira Taldearekin lortutako mundu mailako dominengatik. Herriko dantzarien saioa izan da gero, eta baita La Jodedera taldearen kontzertua ere, erritmo kubatarrekin berotzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!