Herriko gazte ugarik antolatutako taldea aritu da jolasak bideratzen, eta haurrek atentzio handia prestatu diete botatako ohar bakoitzari. Haur asko ez bazeuden ere, nahikoa izan dira herritarrak barre algaraz lehertzeko. Aisiarako tarte horretan, zakuak, sagarrak, gozokiak, baldeak, puxikak... ez ziren falta. Baina, protagonista nagusia ura izan da. Ia jolas guztietan presentzia izan duena, eta haurrek asko eskertu dutena, bertan egiten zuen bero sargoriari aurre egiteko elementu bikaina izan baita.
Bien bitartean, jolasetan aritu nahi ez zuenak, aukera izan du frontoian jarritako puzgarrian saltoka ibiltzeko. Gurasoak, berriz, elkartearen freskotasuna aukeratu dute, etxeko txikienak kanpoan jolasean ari ziren bitartean, eta herriko alkate den Garikoitz Aranzabalek gitarrarekin lagundurik, kantuan aritzeko. Arratsaldeko beste jarduera nagusia, apar festa izan da. Bestalde, iluntzerako, herriko gazteen musika kontzertua eta frontoiko herri afaria antolatu dituzte, eta gauean, DJ Jotatxorena izango da musika jartzeko ardura. Hemen duzue astelehen honetarako antolatu duten egitaraua.
