Urtarrilean onartu zuen Gipuzkoako Foru Aldundiak GI-2130 (Tolosa-Leitza) errepidean, Elduaingo zeharbideko bihurgunean (autobus geralekuaren ondoan) eta 8. kilometroan dagoen bihurgunearen inguruan bide segurtasuna hobetzeko proiektua.
Bada, astelehenean ekingo diete hobekuntza lan horiei. Aurreikuspenen araberan, errail bat itxita egongo da 12 astez, abenduaren 11ra bitarte. Ondorioz, udaletxe aurreko autobus geltokia ere zerbitzuz kanpo egongo da goranzko zein beheranzko norabidean. Beraz, Garaikoetxe aurrean dagoen geralekua erabili beharko da autobusez joan-etorriak egiteko. «Obra denon mesederako izango delakoan, aldez aurretik, barkatu sor daitezkeen eragozpenengatik», adierazi du Oihana Amundarain alkateak.