Espainiako Espetxe Erakundeak jakinarazi du beste bost euskal preso Euskal Herriratuko dituztela, horien artean, Anabel Egues elduaindarra. Asturiasen daukate gaur egun, bere etxetik 385 kilometrora, eta orain Euskal Herriratu egingo dute, Eusko Jaurlaritzaren eskumeneko espetxeren batera. Jaurlaritzak erabaki beharko du Martutenera (Donostia), Zaballara (Araba) edo Basaurira (Bizkaia) eramango duten.
2001eko azaroan sartu zen kartzelan, 30 urteko zigorra betetzeko, eta 2024ko apirilean da betetzekoa zigorraren hiru laurdenak.
Eguesekin batera, Javier Gallaga, Endika Garate, Maite Pedrosa eta Mikel Izpura Euskal Herriratuko dituzte eta Mikel Otegi eta Jose Mari Dorronsoro Iruñeko kartzelatik Jaurlaritzaren eskumenekoren batera lekualdatuko dituzte.