Mikroantzerkiak elduaindar ugari erakarri ditu

Tolosaldeko Ataria 2021ko mai. 15a, 19:00

Ester Povedaren 'La otra historia' mikroantzerkiaz gozatzeko aukera izan dute Elduaingo Intzenen. Udako kulturaldiaren barruan, bigarren egitasmoa izan da gaurkoa.

Asteburu honetan ekin diote udako kulturaldiari. Atzo arratsaldean ipuin kontalaria izan zuten, eta gaur, Berrobin bizi den Ester Poveda antzezleak mikroantzerkia eskaini du. La otra historia mikroantzerkia, hain zuzen. Toti Martinez de Lecearen testuan oinarritutako antzezlana da. 18:00etan egin du lehen saioa eta jarraian beste bi saio egin ditu, guztiak Intzene baserrian.

Udako kulturaldiarekin jarraitzeko ekainaren 3an izango dute hurrengo hitzordua. Bizimiñez dokumentala proiektatuko dute, eta ondoren solasaldia izango da Josu Iztuetarekin. Egitarau zabala dute osatuta uztailera bitartean.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!