Herriko etxe bakoitzean bertan sortzen den hondakin organikoa kudeatu ahal izateko konpostagailuak daude, baina konpostagailu horietan organiko guztia ez da desegiten (hezurrak, arrautz-azalak…), eta etxe askotan arazoa sortzen du horrek. Irtenbide bat aurkitu nahian, Elduaingo Udalak bi konpostagailu berri jarriko ditu herriko aparkalekuan; lehenengoa jada erabilgarri dago.
Etxean hezurrak eta bestelakoak aprobetxatuko dituen animaliarik ez daukanak, edo nahi duenak, ontzi horiek erabiltzeko aukera izango du. Udalak kontuan izateko eskatu du, etxeko konpostagailuan desegiten ez den organikoa bakarrik bota behar dela. Ondoren, udala bera arduratuko da, barruko hondakinarekin nahasketa egin eta konposta ateratzeaz.
Bide batez, Corenso Tolosana fabrikaren aurrean dagoen errefusa ontzia ere aparkalekura eraman dutela jakinarazi dute.