Zeberio II.ak eta Endikak ez zieten inongo aukerarik eman Uterga eta Olazarri eta Sagardoaren Txapelketaren bosgarren edizioa irabazi dute. Bi pilotariak saridunen zerrendan estreinatu dira.
Bikote irabazlea askoz hobeto aritu da hasieratik eta merezimendu osoz lortu du txapela. Markagailuak ez du emozio handirik izan, eta finalerdietan 29n utzi bazituzten, finalean abantaila gehiago lortu dute Zeberiok eta Endikak, aurkariak 27an utziz.
Partidaren gakoa Zeberioren eta Endikaren hasiera indartsua izan da. Endika oso ondo hasi da sakean eta piloteoan eta 10-1 jarri dira. Gero abantaila hori mantendu ahal izan dute, eta aurkariak ezin izan dira markagailuan gerturatu. Azkenean, bai Endika atzean eta bai Zeberio aurrean hobeagoak izan dira. Zeberiok azaldu duenez, pentsatu baino errazago izan da partida: "Aurkariak ez dira fin aritu eta gu oso serio aritu gara". Endikak gaineratu duenez, "hasieratik abantaila on bat lortu dugu eta horrek lasai jokatzen lagundu digu".
Argazkiak: Maialen Andres