11:15ean jaurtitako suziriek esnatuko zuten hainbat herritar, baina herriko txikienak dagoeneko plaza inguruan elkartuta zeuden. Kanikros taldeko kideak Elduainen izan dira eta adi-adi begiratzen zieten elizaren ondoko zelain zeuden txakurrei.
Txakurrari lotu eta lasterka hasi aurretik, ordea, kanikrosaren inguruko azalpenak eta bideoa ikusi ahal izan dituzte. Jarraian, nahi zuenak korri egiteko aukera izan du.
Bazkaria izango dute elduaindarrek, eta Niko trikitilariaren saioaz gain, haurrei zuzendutako jolas eta puzgarriak ere izango dira.
Gauerdian Konbenio del Metal eta Potenintoren eskutik izango da dantzarako aukera. Eta oraindik igandea eta astelehena ere festa egunak izango dituzte.