Laugarrenez ari dira egiten Bidanian Gazte Sentitzen Garenon Eguna eta goizetik iluntzera arteko egitaraua dute prest. Goizean haurrentzako jolasak izan dituzte, eta txupinazoa bota ondotik hasi dute paella lehiaketa. Pilotalekuan 37 bikote aritu dira —herritarrak guztiak— paellarik onena prestatzeko lehian, eta bazkalondoan banatuko dituzte sariak.
Aurtengoa bosgarren edizioa du paella txapelketak, eta estreinakoz egin dute herriko festen egitarautik kanpo. Arratsaldean ere jarraituko du festak, eta adin guztientzako prestatu dituzte jarduerak: haurrentzako puzgarriak, Ostikda elektrotxaranga, Gabezin musika taldearen kontzertua eta afaria.
IV. Gazte Sentitzen Garenon Eguna
- 16:30. Atrakzioak.
- 18:00. Ostikda elektrotxaranga.
- 20:00. Gabezin musika taldea.
- 21:00. Afaria lunch erara Euskal Parrillaren eskutik.
- Ondoren. Gabezin musika taldea eta DJ Patx.
