Larunbat honetan, maiatzak 9, Domusa Teknik 40 MLK lasterketa izango da Azpeitian. Bi lasterketa izango dira: 26 kilometrokoa (9:00) eta 65 kilometrokoa (8:00). Proba luzeko korrikalariak Herniora igoko dira, eta ondoren, Bidania-Goiazko lurretatik igaroko dira.
Lasterketaren antolakuntzak zenbait erabaki hartu ditu, lasterkariak igaroko diren errepide batzuetan izan daitezkeen arazoak gutxitzeko. Besteak beste, Gipuzkoako Errepide Sailak eta Jaurlaritzako Trafiko Sailak baimena eman dio antolakuntzari GI-2634 errepidean PK 8,500 eta 11,000 artean goranzko noranzkoan errai bat ixteko. Hori dela eta, Bidania-Goiaztik Errezil aldera doan erraia itxiko dute 9:00etatik 11:30era. Beraz, noranzko horretan errepide hori saihesteko Urrakitik igarotzen den GI-3740 hartu beharko da.