Goiatzen ere gaur murgildu dira festa giroan. Gaurtik larunbatera ospatuko dituzte Andra Mari jaiak eta jardueraz betetako egitaraua dute prest.
Eguraldi sargoria gorabehera Illaungo II. mendi-lasterketa igoera jokatu dute txupinazoaren aurretik, eta azkarrenak izan dira Eneritz Iraola (24’24”02) bidania-goiaztarra eta Andoni Egiguren (18’38”44) goiaztarra. Gizonezkoetan bigarren helmugaratu da Oier Etxeberria (18’41”50) azpeitiarra eta haren atzetik, hirugarren, Iñaki Lopetegi (20’29”42) goiaztarra.