Ostiralean hasi ziren Herriarteko Pilota Txapelketa partidak, eta gaur eskuz binaka Bidania-Goiatz eta Amezketaren txanda izan da. Bidania Goiatzek 2-1 irabazi du; kadeteetan 10-22, jubeniletan 22-20 eta nagusien mailan 22-3.
Kadeteetan, alde batetik, Bidania-Goiatz herria ordezkatuz, Anartz Dorronsoro eta Alex Altuna; eta bestetik, Amezketa ordezkatuz, Beñat Gorostidi eta Ander Balerdi aritu dira lehian.
Bidania-Goiazko jubeniletan Andoni Elola eta Ander Iraeta aritu dira, Amezketako Eneko Gorostidi eta Ugaitz Mugioaren aurka.
Hirugarren partida nagusiena izan da. Bertan aritu dira Bidania-Goiazko Iñaki Elola eta Ander Zinkunegi, Amezketako Aitor Galarza eta Ibai Belokiren aurka borrokan.
