Ostiralean hasi ziren Herriarteko Pilota Txapelketa partidak. Eskuz binaka Aduna eta Ataun aritu ziren, eta Adunak 1-2 galdu zuen; kadeteetan Aduna 1-Ataun 22 izan zen emaitza, jubeniletan Aduna 22- Ataun 11 eta nagusietan Ataun 22-Aduna 18.
Atzo berriz eskuz binaka Alegia eta Zestoaren arteko partida izan zen. Alegiak 3-0 irabazi zuen; kadeetan 22-13, jubeniletan 22-16 eta nagusien mailak 22-13. Tolosa eta Andoainen artekoan, Tolosak 2-1 irabazi zuen; kadeteetan 22-4 galdu zuen, jubeniletan 22- 4 irabazi eta nagusietan 22-13 garaitu zuen Andoain.
Gomazko paletari dagokionez Villabona Anoetaren aurka aritu zen, eta Anoetak irabazi zuen 3-0, eta Tolosak Azpeitia izan zuen aurkari. Tolosak 1-2 irabazi zuen; banaka kantxa osoan Tolosa izan zen garaile, binaka Azpeitiak irabazi zuen eta zazpi t'erdian Tolosak irabazi zuen.
Gaur 17:00etatik aurrera eskuzko partida izango da; Bidania-Goiatz eta Amezketa arteko derbia ikusi ahal izango da Bidanian.