Hamabi pilotarik bikoteka jokatuko dute hiruko bi taldetan, eta talde bakoitzeko irabazleak aurrez aurre izango dira finalean, eta bigarrenek hirugarren eta laugarren postuak jokatuko dituzte. A taldeko bikoteak honakoak dira: Amaia Alday eta Oihana Orbegozo, Miren Larrarte eta Gentzane Alday, eta Leire Garai eta Maite Ruiz de Larramendi. Beste aldetik, B taldea osatzen duten bikoteak hauek dira: Iera Agirre eta Arrate Bergara, Olatz Arrizabalaga eta Naroa Agirre, eta Ainhoa Ruiz de Infante eta Olatz Ruiz de Larramendi. Partida guztiak Bizkaia Frontoian jokatuko dira. Materialari dagokionez, pilotariek pilota mistoarekin jokatuko dute lehenengoz.
Biharko jardunaldian, 19:00etan hasiko dena, bi partida jokatuko dira. Lehenengoa Larrarte-Alday eta Garai-Ruiz de Larramendi bikoteen artekoa izango da. Bigarrena, Agirre-Bergara eta Ruiz de Infante-Ruiz de Larramendi bikoteen artekoa.