Miren Larrartek San Fermin torneoko finalerdia jokatuko du

Uztailaren 6 eta 7ko asteburuan jokatuko dira Laboral Kutxa Emakume Master Cup San Fermin torneoko finalerdiak, Lizarrako pilotalekuan.

Sanferminak gerturatzen ari diren garaian, emakumezkoen esku pilotako torneoa bere amaierara iristen hasia da. Erabaki dira nortzuk jokatuko dituzten finalerdiak, bai 18 urtez azpikoetan eta baita maila nagusian ere, eta Tolosaldeak ordezkari bat izango du: Miren Larrarte bidaniarra.

Uztailaren 6 eta 7ko asteburuan jokatu beharko du partida, Naroa Elizalde bikote duela, Amaia Jaka eta Maite Ruiz de Larramendiren aurka. Hori irabaziz gero, finala jokatuko dute uztailaren 13an, Iruñeko Labrit pilotalekuan. 11:30ean hasiko da jaialdia eta emakumezkoen bi partidak ETB-k zuzenean emango ditu.

 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!