700 pilotazale bildu dira gaur Iruñeko frontoian San Fermin torneoaren finala jarraitzeko. Aurten, lehen aldiz jokatu dute emakumeek txapelketa.
Larrartek Naroa Iturain iruindarrarekin osatu du bikotea, eta aurrez jokatutako bi kanporaketak irabazita iritsi dira gaurko finalera. Gaur ordea, Eulateko Maite Ruiz de Larramendi eta Olatz Arrizabalaga gernikarra nagusitu zaizkie. 22 eta 12ko emaitzarekin nagusitu dira azken hauek.
Eskualdeko presentzia bikoitza izan da jaialdian. Hirugarren eta laugarren postuak jokatzeko partidan, Maite Tolosa amezketarrak hartu baitu parte, Andrea Aldaregiarekin batera. Bikote honek ere ez du zorterik izan eta San Fermin txapelketaren laugarren postuarekin konformatu behar izan dute, 18 eta 8ko emaitzarekin gailendu baitira, Arrate Bergara eta Naroa Elizalde, hirugarren sailkatuz.
Argazkiak: Maite Larrarte