Bidania-Goiazko Udalak herrigunean oinezkoen irisgarritasunarekin zerikusia duten arazo eta gabeziak daudela azaldu du. Hori dela eta, azken urteetan herriguneko kale eta eraikin publikoak irisgarritasun ikuspuntutik egokitzeko ahalegina egiten ari dela adierazi du udalak.
Bando bat atera dute, egoerari buruz udaletik duten pertzepzioa eta herritarrek izan dezaketeena ezberdina izan daitekeela azalduz. Hori horrela, herritarren ikuspuntutik irisgarritasun arazo eta beharrak zeintzuk diren ezagutzeko, beraien ekarpenak jaso nahi dituzte.
Ekarpen horiek zuzenean udaletxean aurkeztu daitezke edo udala@bidania-goiatz.eus helbide elektronikora bidali daitezke. Ekarpenak egiteko azken eguna abenduaren 9a, ostirala, izango da.