09:00etan eman diote gaurko egunari hasiera, eta 17:00ak arte hainbat partida izango dituzte jokoan, Berrobiko pilotalekuan. 30 tantora edo 45 minutura jokatuko dira norgehiagokak. Hurrengo kanporaketak azaroaren 25ean eta 26an izango dira. Lau finalak, berriz, abenduaren 2an jokatuko dira. Mixtoen mailan sei bikotek eman dute izena; nesketan lau bikotek; mutiletan 18 bikotek eta bakarka, mutiletan, hamar pilotari ariko dira txapelaren lehian.
Hasi da Berrobiko frontenis txapelketa
Atzo eman zioten hasiera Berrobiko Ibin Kirol Klubak urtero antolatzen duen XXXI. Ion Ander Izagirre Frontenis Txapelketari, baita frontenis txiki txapelketaren bigarren edizioari ere; gaur izango dute bigarren eguna eta hainbat partida jokatuko dituzte 17:00ak arte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!