Eguraldia bero eta hezetasun handiarekin, sargori. Eguraldiak beraz ez du gehiegi lagundu korrikaldiaz disfrutatzeko, baina gaztetxoek euren indarrak xahutu dituzte Berrobin barrena.
Aurrebenjaminak abiatu dira lehenik, 16:00etan eta 400 metroko bidea burutu behar izan dute. Benjaminen txanda izan da ondoren, eta hauek ibilbide bikoitza korritu behar izan dute. Hirugarren txandan, alebin neska-mutilak lehiatu dira. Eta, azkenik, helduen malaren aurretik, infantil eta kadete mailakoen txanda izan da; 3 kilometroko buelta osatuz. Guztira lau lasterketa izan dira, eta guztietan publikoa korrikalariekin gozatuz aritu da, txaloak ez dira falta izan.
Ibin kirol elkartea krosaren antolakuntzaz arduratu da, eta haur eta gaztetxo guztiek sari gisa merienda izan dute herriko plazan.
