Kamel Ziani eta Idoia Nogales izan dira azkarrenak Berrobiran

Denera 73 parte hartzailek osatu dituzte Berrobi inguruan 7,5 kilometro, herriari bost itzuli emanda. 

Beste urte batez egin dute Berrobira lasterketa, Ibin Kirol Klubaren eskutik. Lehenik, gaztetxoen txanda izan da, eta ondoren etorri dira helduak, 16 urtetik gorakoak. Denera 7,5 kilometro osatu behar izan dituzte, herriari bost itzuli emanez. 73 lagunek hartu dute parte, iaz baino hiru korrikalari gehiagok. 

Gizonezkoetan lehena Kamel Ziani izan da, 23.29ko denboran. Bigarren Iñigo Exposito izan da, 23.41ean helmugaratuta eta podiuma Aitor Etxeberria berastegiarrak osatu du, 23.49an. Emakumezkoetan, Idoia Nogales izan da azkarrena, 27.49ko denboran, eta atzetik izan du Maialen Gurrutxaga, 29.41eko denborarekin. Hirugarren emakumea Josune Alberdi izan da, berrobitarra, beraz, lehen herritar moduan ere txalo zaparrada jaso du. Gizonezkoetan lehen herritarra Jon Altuna izan da.

Kategoria bakoitzeko lehen hiru sailkatuek garaikurra jaso dute; eta lasterketa bakoitzeko azkarrenek, gainera, 100 euroko ordainsari bana jaso dute. Lehen bi herritarrek ere garaikurra jaso dute.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!