Berrobiko XXVIII. Ion Ander Izagirre Frontenis Txapelketa gainean da. Azaroaren 16tik abenduaren 1era bitarte jokatuko da. Izena azaroaren 5a bitarte eman daiteke, 5 euroren truke. Mutilen txapelketa banaka eta binaka jokatuko da; neskena binaka eta mistoa binaka. Behin izena eman dutenen arteko zozketa azaroaren 6an egingo da, 19:30ean, Berrobiko udaletxeko Ibin Kirol Klubaren bulegoan. Zozketa horren emaitzak azaroaren 12an jarriko dituzte Ibinekoek webgunean: www.izagirrefrontenistxapelketa.eus .