Alderdi sozialistak irabazi du Berrobin, 30 boto eskuratuta

218 boto zuri kontatu dituzte eta zenbatutako botoen %95era iritsi ez direnez, PSE-EEk irabazi du

Zerrenda bakarra aurkeztu da Berrobin, PSE-EE eta bi ziren aukerak: alderdi sozialista bozkatu edo boto zuria eman. Boto zuriek, ordea, zenbatutako botoen %95era iritsi behar zuten, eta 218 botorekin, %87,9ra iritsi dira. Beraz, PSE-EEk irabazi du, 30 boto eskuratuta. Hori horrela, zazpi zinegotziak alderdi sozialistakoak izango dira.

Parte hartzea jaitsi egin da azken hauteskundeetatik hona. Duela lau urte 275 lagunek bozkatu zuten, eta 258k eman zuten botoa, atzokoan, hau da, %58,11ko parte hartzea izan zen. Abstentzioa, berriz, %41,89koa izan da.

Tolosaldeko albisteak euskaraz, libre eta kalitatez jasotzea nahi duzu?

Horretarako zure babesa ezinbestekoa zaigu. Egin zaitez Atarikide!


EGIN ATARIKIDE!