XXVII. Ion Ander Izagirre Frontenis Txapelketako antolatzaileek bilera egingo dute gaur 19:00etan. Ibin Kirol Klubak bere bulegora deitu ditu interesa duten guztiak, izan ere, txapelketako parte hartzaileekin bilera egitea da ekimenaren helburua, iritzi, proposamen eta hobekuntzak jasotzeko.
IKK-ren bulegoa udaletxean dago eta bileraren ideia iaz egindako inkestatik sortu dela azaldu dute Ibineko kideek. Galdeketa horretako erantzunek argi utzi zieten antolatzaileei txapelketako parte hartzaileen iritzia interesgarria dela hobekuntzak egiteko.