Argazki Rally-arekin eman zioten hasiera kulturaldiari Berrobin. Gaur, azoka egunean banatu dituzte sariak. Hamabi parte hartzaile izan dira aurtengo lehiaketan. Aurtengo gaia arkitektura izan dute. Gazteen arteko irabazlea Nora Jimenez izan da; helduen artekoa, berriz, Garazi Goenaga. Sari banaketaz gain, erosketak egiteko aukera zabala izan dute goiz osoan zehar bertaratu direnek. Mota guztietako elikagai, bitxi, landare, adornu eta liburuak aurki zitezkeen, besteak beste. Eguerdian, bazkaria egin dute Berrobiko produktuekin, eta eguna borobiltzeko, dantzari txikien emanaldia egongo da Urreburu frontoian.