Berrobi Bizia ekimenaren baitan bisitatuko du Berrobi Thays Ricartek. Bera Zuzenbidean Graduatua da eta Tarragonako Centre d'Estudis de Dret Ambientalen Ingurumen Zuzenbideko Masterduna da. Hitzaldiaren helburua ingurumenari lotutako gatazka ezberdinei buruz eztabaidatzea da.
Gaia oso zabala izan badaiteke ere zenbait kontzeptu argitzen saiatuko dira antolatzaileen esanetan: zaharkitze programatua, ingurumen justizia, eta ekofeminismoa, besteak beste. Hitzaldian hizkera «ulerkor eta erraza» erabiliko da, edozein profileko herritarrek uler dezaten. Eta hortaz, gonbite zabala egin dute Berrobin, bertan parte hartzeko.
Ingurumen Zuzenbideko aditu baten ezagutzak
Thays Ricarte brasildarrak ingurumenari buruzko hitzaldia eskainiko du gaur, 20:00etan, Berrobiko San Andres eskolan
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!