Berastegiko San Lorentzo jaietan ere kuadrillen bazkaria egiten ari dira. Bakoitzak bere bazkaria prestatu du eta, hainbatek berriz, elkarlanean egin dute otordua. Kalejiran jaso dute paella, eta karparen azpian eseri dira bazkaltzera.
Aurretik hainbat jarduera izan dituzte, tartean, patata tortilla txapelketa herrikoia eta Intxantek kuadrillak jantzi du txapela. «Beste behin ere irabazi dugu! Dagoeneko galdu dugu irabazi ditugun txapelketen kontua», adierazi dute lagun taldeko zenbaitek. Arratsaldean kuadrillen arteko jokoak izango dituzte, eta horiek irabazteko asmoa ere azaldu dute.
Sagardo dastatzea ere egingo dute arratsaldean txorizo egosiarekin eta gaztarekin. Eguna bukatzeko, berriz, zahagiardoa eta Laket erromeria taldea izango dituzte eta, ondoren, DJ Txekor ariko da gaua girotzen.
