Festen hasierako ekitaldian omenaldia egin diete herriko areto futboleko alebin nesken taldeari, txapeldunak izan direlako Gipuzkoa mailan.
Gaur eguerdian bota dute Salontzoen hasierako txupinazoa Berastegin. Jaien hasierako pregoian omenaldia egin diete areto futboleko alebin nesken taldeari, txapeldunak izan direlako Gipuzkoa mailan. Suziria botatzearekin batera atera dira buruhandiak, txistulariak eta trikitilariak. Eta, segidan, gozokiak bota dituzte udaletxeko balkoitik.
Gaur hasi eta igandera bitarte ospatuko dituzte Salontzoak Berastegin, eta jardueraz bete-beteta dituzte egun guztiak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
