Eguraldia lagun izan dute gaurkoan berastegiarrek, eta giro ederrean bildu dira herriko kuadrilla guztiak plazan. Aurten ere patata tortilla txapelketarekin abiatu dute kuadrillen eguna. Honela, kuadrilla bakoitza bere tortilla prestatzen aritu da, eta ondoren, tortilla guztiak dastatzeko aukera izan da, txakolinaz lagunduta. Horretaz gain, bizikletarekin zinta-jokoan eta toka txapelketan aritu dira herriko gaztetxoenak. Incansables txarangak girotu du gaurko goiza.
Eguerdian, berriz, kuadrillen bazkaria egin dute eskola atarian, eta kuadrillen arteko jokoekin emango diote hasiera arratsaldeari, 17:30etan. Horren ostean, sagardo dastaketa izango dute, txorizo-egosi eta gaztarekin, eta toka txapelketa egingo dute berriro, 2011. urtetik atzera jaiotakoentzat.
Hala ere, iluntzera arte izango da zertaz gozatu Berastegin. Ikusi hemen egitarau guztia.