Gogo handiz eta indarrez abiatu dituzte festak berastegiarrek. Hala erakutsi dute gaur arratsaldean Leitzako gazteen aurka egin duten herri kirolen erakustaldian. Egin beharreko lanen artean trontzan, txingatan, lokotxetan, harria jasotzen eta korrika aritu dira, besteak beste. Adin guztietako herritarrak bildu dira eskola atarian, eta denen animoei esker, etxekoena izan da garaipena.
Ospakizuna borobiltzeko, perku-poteoa izan dute ondoren, herriko batukada taldearen eskutik. Iluntzean herri afaria egingo dute, eta ondoren, sari banaketak izango dira. DJ Bull-en erritmoekin amaituko dute lehen festa eguna.
Hala ere, igandera arte izango da zertaz gozatu Berastegin. Ikusi hemen egitarau guztia.