Abuztuaren 7tik 11ra ospatuko dituzte salontzoak Berastegin. Herriko farmazialaria den Alfonso Vilar arduratuko da aurtengo suziria pizteaz, eta hortik aurrera, ez du etenik izango festak. San Lorentzo osteko egunera arte ospatuko dituzte, eta guztira, bost egun izango dituzte festarako.
Aurtengo jaietan, pasa den urteko hitzorduak mantentzearen aldeko apustua egin da Berastegin. Dantza-soka, patata tortilla txapelketa, kuadrillen bazkaria, alkate soinua, bertsolarien emanaldia eta pilota txapelketa finalak izango dira jaietako gozagarri besteak beste. Tapia eta Leturiak, Xiberoots taldeak, Iratzar taldeak eta DJ Bull musikariek ere aurtengo salontzo jaietan parte hartu nahi izan dute euren musika Berastegiko txoko guztietara zabalduz.
