Herritar ugari bildu da, 11:00etan hasi den patata-tortilla txapelketan parte hartzera. Kuadrilla bakoitza; bere tortilla prestatzen aritu da, eta 13:30ean, prestatu diren patata-tortilla guztiak dastatzeko aukera izan dute txakolinaz lagunduta. Horretaz gain, bizikletarekin zinta-jokoan, eta toka txapelketan aritu dira 2011. urtetik aurrera jaiotakoak.
Egunak luze joko du oraindik eta hau da gaurko iragarrita dituzten gainerako ekitaldiak:
- Eguna girotzen. Kalean txaranga ibiliko da.
- 14:00. Kuadrillen bazkaria, eskola atarian.
- 17:30. Kuadrillen arteko jokoak.
- Segidan. Sagardo-dastaketa txorizo-egosi eta gaztarekin.
- Bitartean. Toka-txapelketa herrikoia (2010. urtetik atzera jaiotakoentzat).
- Ondoren. Zahagi-ardoa eta bingoa.
- 00:00. Kilimak eta Laket taldeen kontzertuak.