Berastegiko jaiak 2022

Kuadrillarekin ospatzeko eguna Berastegin

Berastegiko Salontzo festen bigarren egunean, herriko kuadrillak dira protagonista; bazkaritan, eskolako atarian 240 herritar inguru bildu dira.

Berastegiko Salontzo jaiak abiatu ziren atzo eta gaur Kuadrillen Eguna dute. Goizean patata tortilla txapelketa egin dute plazan eta bitartean toka txapelketan aritu dira 2010. urtetik aurrera jaiotakoak. Bazkalaurretik tortilla dastaketa egin dute txakolinaz lagunduta eta txarangarekin batera herriko eskola atariraino egin dute bidea kuadrillek. Han 240 lagun inguru bildu dira bazkarian.

Egunak luze joko du oraindik eta hau da gaurko iragarrita dituzten gainerako ekitaldiak:

  • 17:30. Kuadrillen arteko jokoak
  • Ondoren. Sagardo dastaketa txorizo egosi eta gaztarekin. Bitartean toka txapelketa herrikoia 2009tik atzera jaiotakoentzat.
  • Jarraian. Zahagi ardoa.
  • 00:00. Ezpalak eta Laket taldeen kontzertuak.

Datorren asteazkenera bitarte luzatuko dira festak Berastegin.

Erlazionatuak

Kuadrillen Egunean bazkalaurreko giroa

Berastegi

Berastegiko Salontzo jaien barruan Kuadrillen Eguna dute gaurkoa. Hemen bazkalaurreko giroa, txarangarekin.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!