Berastegin ere inauteriak ospatzen dituzte Tolosan kaldereroak diren asteburuan, beraz, asteburu honetan izango da mozorroen festa bertan.
Bihar, 14:45etik 16:00etara eskolako desfilea izango da herrian zehar, eta jarraian, txokolatea guraso elkartearen eskutik, eskola atarian. 18:00etan haurren dantza saioa ikusteko aukera iza ngo da, plazan, eta 19:00etan pintxopote mozorrotua.
Larunbata izango da egun handia. 12:30ean txupinazoa botako dute iazko mozorroen desfileko garaileek. Jarraian izango dira mozorroen desfilea, koreografia eta antzerkiak plazan. 14:00etan, berriz, bazkari herrikoia egingo dute frontoian. Bazkaria norberak eraman beharko du, eta antolakuntzak ogia, edaria, kafea eta kopak jarriko dituela azaldu dute. Eguna borobiltzeko 17:30ean elektrotxaranga ibiliko da herrian zehar.