Aurten Berastegin ere ez dira inauteriak ohiko moduan ospatuko, baina mozorro lehiaketa aurrera eramango dute, bakoitzak etxetik argazki edota bideoak bidalita.
Inauteriak etxetik ospatuko dituzte aurten berastegiarrek. Mozorro lehiaketa prestatu dute eta parte hartzaileek argazki edo bideoak bidali beharko dituzte whatsapp mezu baten bidez, otsailaren 5etik 7ra, biak barne, 688 681 952 zenbakira.
Jasotako materialarekin bideo bat osatuko du udalak eta bideo horretan bertan emango dute aurtengo mozorro irabazlearen berri. Aurreratu dutenez, irabazleak ohiturari eutsiz sari gisa arbia jasoko du eta 2022ko inauterietan txupinazoa botatzeko aukera izango du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
