Negu Trail izena daraman arren, negutik gutxi izan du aurtengo lasterketak. Berastegi inguruetan ez da elur arrastorik izan, eta bero handia izan dute korrikalariek, ibilbide guztian zehar. Bidean, gainera, lokatza ere izan dute, eta hori nabaria zen korrikalarien oinetan. Guztira, 300 parte hartzaile izan dira Berastegiko proban.
Faktore horiek kontuan izanda, inoizko denborarik onenak lortu dituzte garaileek. Gizonezkoetan, Iñaki Olano altzotarra izan da Berastegiko plazako helmuga igaro duen lehen korrikalaria. Bere atzetik, Hodei Lujanbio goizuetarra eta Aitor Regillaga tolosarra sailkatu dira. Emakumezkoetan, berriz, Andrea Garay gasteiztarra izan da azkarrena, eta bere atzetik Laiane Arrospide tolosarra eta Oihana Zubillaga anoetarra helmugaratu dira. Julen Agirrezabala eta Arantxa Atxukarro izan dira lehen berastegiarrak ibilbidea osatzen.
Gizonezkoak:
- Iñaki Olano (1:24:05)
- Hodei Lujanbio (1:26:03)
- Aitor Regillaga (1:28:31)
Emakumezkoak:
- Andrea Garay (1:45:35)
- Laiane Arrospide (1:53:35)
- Oihana Zubillaga (1:53:54)
Hemen duzue gaurko lasterketako sailkapen orokorra
