Goizeko 07:00etan irtengo dira herriko plazatik, eta amaitu ere bertan egingo dute. Izen ematea 8 eurokoa izango da eta egunean bertan eman ahal izango da.
Ibilbide luzea egin nahi ez duenarentzat, Beasti G.E.ak antolatuta 3 orduko iraupena izango duen ibilbide motzago bat izango da. 09:00etan izango da irteera.
Horrez gain, ekainaren 10erako Gure Esku Dagok antolatu duen Giza Katean izena emateko postua jarriko dute 12:00etatik aurrera herriko plazan. Egun horretarako 150 berastegiar lortzeko erronka jarri du erabakitzeko eskubidearen aldeko herri dinamikak.
Iñigo Gorostarzu 'Etxorde' bertsolariak, hain zuzen, bertsoa argitaratu du gaurko astekarian, bertara joateko animatuz.