Eguzkia ateratzear zela, 7:00etan irten dira Berastegiko eskola ataritik 232 parte hartzaile 30 kilometroko ibilbidea egitera. Aiztun auzotik gora Lartera igo, zehar-zehar Bokete-Uli-Ulizarrera igo eta Urtora jaitsi dira. Handik, Ipulliñora igo eta Gorosmenditik barrena San Lorentzo ermita bisitatu ondoren, mugara jaitsi eta Berastegira bueltatu dira. Iristean, diplomaz gain, babesleen eskainitako zenbait opariren zozketan parte hartu ahal izan dute ibilbidea amaitu duten mendigoizale guztiek.
Ibilbide laburragoa nahi zuenarentzat ere izan da aukera. 9:00etan abiatu dira 83 haur eta beste hainbat heldu 3 orduko ibilbidea egitera.