Aurten bi asteburutan ospatuko dituzte Berastegiko Inauteriak. Goizean hamaiketakoa egin dute Urepele Elkartearen eskutik, udaletxeko arkupeetan. Ondoren, taldetan banatu eta altxorraren bila ibili dira, hara eta hona, korrika batean. Bazkaldu aurretik ikuskizunak egin dituzte plazan. Jarraian, ikusizun horien bideo batzuk:
NBA (Nahi Baino Alperragoak)
Sansebastianen omenezko prozesioa
Zorriak eta fumigatzaileak
Hirugarren adinekoen aerobik klasea
Kanpalekura joandako kuadrilla
Datorren asteburuan, otsailaren 2an, jarraituko dute inauteri giroarekin. 16:00etan Txokolate jatea egingo dute eskolaren atarian, Guraso Elkarteak antolatuta. 17:30ean, Muñagorriko ikasleek eskolan prestatutako dantza eta mozorroak erakutsiko dituzte. Eta festari amaiera emateko, pintxo potea egingo dute 19:00etan.