16,35 kilometroko ibilbidea osatu beharko dute parte-hartzaileek, eta hiru gailurretatik igaroko da lasterketa. Lehena Urdelar (859 m.) izango da, 6,8. kilometroan; Moa lepora jaitsi ondoren, 8,8. kilometroan SanLorentzo (808 m.) igo beharko dute; eta azken gailurra igo aurretik Gorosmendira jaitsi eta azken aldapa hartuz Ipuliñora (900 m.) igoko dira, 11,6. kilometroan.
Dagoeneko 65 korrikalarik eman dute izena Negutrail mendi lasterketako lehen edizioan. Izen-emateak http://www.herrikrosa.eus atarian egin ahal izango dira, 18€ren truke, urtarrilaren 31ra bitarte. Lasterketa bezperan eta egunean bertan ere eman ahal izango da izena Berastegiko Udaletxean. Otsailaren 3an, 18:00etatik 20:00etara bitartean, eta hurrengo egunean, 08:30etik 09:30era bitartean. Bi kasu hauetan, izen-emateak 28€ balioa izango du. Parte hartzaile guztiek istripu aseguru bat izango dute.
Hiru aste lehenago, urtarrilaren 14an, igandez, ibilbidea ezagutzera aterako dira. Goizeko 09:30ean izango da irteera, Berastegiko plazatik, eta 2 ordu eta 2 ordu t'erdi arteko iraupena izango du, gutxi gora behera.