Igandean beteko dira justu, 25 urte J. A. Muñagorri eskola inauguratu zutela. Eskola zaharretik berrirako saltoa emanda hazten joan den proiektuan murgildu ziren berastegiarrak eta bizipen eta sentimendu horiek guztiak bideo batean bildu ditu Irati Saizar kazetariak. Igandean eskainiko dute emaitza, 12:30etik aurrera. Bideoa egiteko egungo zuzendaria, Ane Garate, eta 25 urte hauetan irakasle izan den Izaskun Ezeiza elkarrizketatu ditu, besteak beste.
Ate irekiak ere egingo dituzte goizean eta eskolan dantzatzeko, aurpegia margotzeko edota pintxo tailerrean parte hartzeko aukera izango da. Eguna borobiltzeko herri bazkaria izango dute eta ondoren, erromeria izango dute herri bat bizi mantentzen duen eskolaren mende laurdena ospatzeko.
EGITARAUA
Azaroak 12, igandea
10:00. 25. urteurreneko ekitaldien hasiera.
10:30. Ate irekiak eskolan.
12:00. Pintxo dastatzea.
12:30. J. A. Muñagorri eskolak 25 urte bideoa Irati Saizarren eskutik, erabilera anitzeko gelan.
14:00. Herri bazkaria eta ondoren jolasak haur eta gurasoentzat.
18:00. Txokolate jatea eta ondoren, erromeria.