Gaur hasi eta igandean amaituko dira Berastegiko San Lorentzo Jaiak. Bost egunez bada zer gozatua. Goizean haurrak ibili dira jolasean, puzgarri eta joko artean. Arratsaldean jarraipena izango dute.
Txupinazoan, Muñagorri Herri Ikastetxekoak izan dira protagonista. Aurten 25 urte beteko ditu eskolak, eta jaiei hasiera ematea eurei egokitu zaie. Orduko udal ordezkari, guraso, irakasle eta ikasleak udaletxeko balkoian izan dira. Berastegiarrei festa onak opa dizkie denek.
Arratsaldeko egitaraua:
15:00-17:00. Puzgarriak eta jolasak haurrentzat, eskola atarian.
16:00. Apar festa eskola atarian. Parte hartzeko, bainujantzia eraman beharko da.
17:30. Piramideen bila ikuskizuna plazan, Potxin eta Patxin pailazoen eskutik.
19:00. AIKO taldearekin dantzaldia plazan.
Ondoren. Zahagi ardoa plazan.
22:30. Alurr dantza taldearen emanaldia eskola atarian.
00:00. Laket taldearekin erromeria.
Ikusi hemen datozen egunetako egitaraua.
