Giro ederra sortu dute kuadrillen arteko jolasek Berastegin. Proba bera egin behar izan dute kuadrilla guztiek, eta Satorzalek egin du azkarren. Jolasen ondoren, herriko plazan jarraitu du festak. Sagardoa eta pintxoak dastatzeko aukera izan da; bitartean Barriola urdaiazpiko moztaileak erakustaldia eskaini du, eta toka txapelketa herrikoia jokatu dute. Jainekin txaranga aritu da giroa alaitzen egun guztian zehar.
Afaltzeko tartea hartuko dute orain berastegiarrek; 00:00etan, Ze Esatek! taldearen kontzertua izango da, eta ondoren, erromeria izango da Fan&go erromeria taldearekin.
BIHARKO EGITARAUA
Ajeari aurre egiteko, honako egitaraua antolatu dute biharko:
ABUZTUAK 7, IGANDEA
10:00. Goiz deia.
11:30. Herriko aurrebenjamin, benjamin, alebin, infatil eta kadeteen pilota partidak.
18:00. Haurren dantza, txistu eta trikiti emanaldia eta haurren dantza soka.
19:30. AIKO taldearekin dantzaldi eta erromeria plazan.
Ondoren. Zahagi ardoa plazan.
00:00. Egan taldea.
