Atzo, berriz, Kulkiren eskutik industria parkeaz gozatzeko aukera izan zuten haur eta gaztetxoek. Eskolako atarian jarritako ekintza ezberdinetan ederki ibili ziren jolas ezberdinetan. Jakoba Errekondo ere bertan izan zen Bizi baratzea liburua aurkezten, eta eguna amaitzeko Xalbador izena eta izana dokumentala ikusi zuten.
Bihar emango diote amaiera kultur asteari, azoka egunarekin:
AZAROAK 1, IGANDEA
Goizean. XVII. Azoka eguna izango da eta bertan herriko produktuak: barazkiak, gozokiak, gazta, eztia, eskulanak, etab.
13:30. Lehiaketa guztietako sari-banaketa.
18:00. Talo jana eta goizeko lehiaketetako gazta eta arroz-esneen dastaketa; ardoak eta sagardoak lagunduta. Tartean, Teresa eta Sara Caminos trikitilariak.
