Aurtengo berritasunetako bat da taldeak txapelketaren babesleen izenekin lehiatuko direla. Taldeak banaka joan dira igotzen futbol zelaian jarritako oholtzara, erabiliko duten kamiseta soinean zutela. Parte hartuko duten futbolari guztiak ez dira izan, baina talde guztiek izan dute ordezkaritza. Batzuek garbi esan dute txapelketa irabaztera joango direla, eta beste batzuek ondo pasatzea dute helburu.
Bihar hasiko dira partidak, eta finala uztailaren 4an jokatuko da. Datozen egunetan, beraz, futbola eta giro ona izango dira Belauntzan. Aurtengo irabazleak Eivissa irlara bidaia jasoko du sari moduan. 24 talde ari dira lehian txapelketaren bigarren urte honetan, eta ziur denek gustura hartuko luketela saria.